® مدير المنتدى ® رسالة sms : عدد المساهمات : 11575 الاٍقامة : وراء الأفق حيث لاشئ سواى وحبيبتى العمل : مهندس نوسا البحر :   2020-10-18, 6:28 am | | @hassanbalam
#بلال_فضل
أكاذيب السيسى والرد عليها بلال فضل1ـ في كلام كتير من اللي السيسي بيقوله حاليا ما كانش يقدر يقوله في 2014 أو قبل وصوله لمرحلة السيطرة الكاملة على الإعلام وتحويل كل العاملين فيه لأذرع وسيقان، لكن بعد كده أصبح من السهل عليه إنه يكذب براحته لإنه عارف إن جمهوره المستهدف مش هيتاح له فرصة إنه يسمع رد على الأكاذيب دي
2ـ أحدث الأكاذيب اللي قالها امبارح إنه قبل 2012 كان بيسأل كل اللي بيقابلهم من مرشحين الرئاسة والسياسيين عن حلول لمشاكل البلد في الصحة والتعليم والإسكان فما يلاقيش رد، ودي كذبة واسعة لإن كل المرشحين الرئاسيين قدموا على الملأ برامج تفصيلية لحل مشاكل الصحة والتعليم وغيرها من الأزمات
3ـ والحكم على البرامج دي كان يستدعي تنفيذها طبعا، لكن إنك تقول إنك سألت الناس دي كلها فما لقيتش أي رد فانت كذاب، وأي حد كان موجود في الساحة السياسية والإعلامية في الفترة دي يعرف إن المجلس العسكري في فترة حكمه كانت بتتقدم له برامج تفصيلية عن حلول عاجلة للتعامل مع مشاكل مصر
4ـ وفي ألف من يشهد على ده، بس في منهم جوه السجون، واللي منهم بره السجون هيشهد فين والإعلام بيدار من موبايلات ضباط المخابرات. طبعا عشان الكدبة تطلع مسبوكة لازم يتخّن صوته ويصعّر خدوده، ويقولك هاحاججكو قدام ربنا، لكن هل ده هينفي حقيقة إنك كقائد للجيش بتحكم البلد منفردا من 2013؟
5ـ ولما جيت تحكم، لما سألوك عن برنامجك شخطت فيهم وقلت لهم أنا جاي أنقذ البلد، طيب بقى لك سبع سنين بتهري البلد إنقاذ، فين حلولك وفين برامجك؟ ووصّلت البلد لفين في الصحة والتعليم والاقتصاد وكل تفاصيل المعيشة، وهل الأزمات اللي انت زرعتها في كل بيت هتتحل لما بس ترمي بَلاك على 2011؟
6ـ ده انت بقيت بتفتكر 2011 وبتفكر الناس بيها أكتر من اللي شاركوا فيها، ومتخيل إنها هتعيش فزاعة أبدية للشعب، وبتراهن على إن الخوف مش هيخلي الناس تسأل أسئلة منطقية زي:7ـ هو قبل 2011 مش كان في ناس بتحذر من سياسات مبارك اللي بتعادي أغلبية الشعب وبتساهم في إفقاره وتسويد عيشته وإهدار كرامته وبالتالي ده خلى الشعب ينفجر في جمعة الغضب وما تلاها؟ فانت بنباهتك شايف إن الحل لعدم تكرار اللي حصل في 2011 إنك تفقر الشعب وتسوِّد عيشته وتهدر كرامته أكتر؟
8ـ وهل انت متخيل إن بلد زي مصر بحجم سكانها ده ممكن يتساق بالكذب والتلصيم والتخويف بس، يعني لا عبد الناصر عرف يعمل ده ولا السادات ولا مبارك، وكل واحد فيهم كان حواليه فطاحل في السياسة والإعلام والاقتصاد،هتعرف تعمله بشوية الشراشيح وحرامية الغسيل وساقطي التوجيهية اللي لمّيتهم حواليك؟
9ـ وأخيرا وليس آخراً: هل موضوع الحِلفان عمّال على بطّال واستدعاء الآيات والأحاديث للهروب من مواجهة الأزمات، هياكل أكتر من كده مع الشعب اللي بَدَع مَثَل: "قالوا للحرامي إحلف قال جالك الفَرَج".
المواطن الشريف
المواطن "الشريف" يكره الأسئلة ويعتبرها من نواقض الوطنية، يحب سيناء ويتشكك في أهلها، يتهم معارضيه بالعمالة لإسرائيل، لكنه لا يجد مشكلة في تباهي قادته بالعلاقات الوثيقة بإسرائيل ولا في بيع الغاز لإسرائيل، يحب المسجد الأقصى، لكنه يكره الفلسطينيين ويحلف لك أنهم باعوا أرضهم لإسرائيل
لكنه في الوقت نفسه يتهم الفلسطينيين بالجهل والتخلف حين يقاومون إسرائيل لأنهم أضعف منها بكثير، يكره كل المدافعين عن الحقوق والحريات من أي اتجاه أو تيار، ويعشق عبد الناصر والسادات ومبارك والسيسي وعمر سليمان وأدولف هتلر وكل من له صلة بالبدلة الميري والبيادة ولو كان من أكلة مال النبي
يفتخر المواطن "الشريف" بشعارات الوحدة الوطنية وبعناق الشيخ والقسيس في الأفلام، لكنه قد يشارك بكل همة في هدم كنيسة بنيت على ناصية شارعه، يكره التكفيريين لكنه لا يكف عن تكفير وتخوين خصومه السياسيين، تطمئنه أخبار صفقات الأسلحة، وتقلقه أي أسئلة عن عمولاتها أو عمن يراقبها
يمكن أن يلقي عليك خطبة عصماء في عدالة الإسلام وتسامح المسيحية، ثم يتحمس لسحق من يعارضون رأيه، يتحدث عن أهمية العلاقات القوية مع أفريقيا لضمان مصالح مصر، لكنه بعدها بجملتين يمكن أن يقول كلاماً عنصرياً يحتقر فيه الأفارقة ويستغرب عدم ضربهم تعظيم سلام لتصوراته عن النيل والكون والحياة
المواطن "الشريف" يبهجه دائماً الكلام عن النصر الوحيد، ويهمه تبرير الهزائم المتعددة والدفاع عن المتسببين فيها، تريحه أكاذيب البيانات الرسمية، ويسعده إنكار الفشل الذي يحاوطه من كل اتجاه، لأنه يحب الحديث عن تحرير الأرض، لكنه لا يكره في الدنيا شيئا مثل محاولة تحرير الإنسان.
| |
| |
