نحط فى حله تانية على النار السكر وعسل الجلوكوزلحد مايدوب مع التقليب لحد مايبقي لونها عسلي زي الكراميل كده في لونها وقوامها
نستمر فى التقليب لحد مايبقي لونه أغمق شويه (بس مش يبقى لونه بنى كرااااميل كده) بعدكده نحط عليهم ماية الورد والليمون والفانيليا ونقلب تقليبه بسيطةوبعدين نشيله من على النار ونحط عليها الفول وهو دافي ونقلبة فيه
نكون مجهزين قوالب مدورة ستانلس ونضغط عليها بورق السليكون او بجوانتى حرارى ( لان المقادير سخنة ) نضغط عليها كذا مره
ونسيبها لحد ماتبرد وناكلها
طريقة الملبن اللي فيه حبل وعين جمل المقادير 2كوباية نشا 2كوباية ماء و2كوباية سكر 2كوباية ماء و2كوباية سكر حبيتين مستكة معلقة صغنونه ماء زهر نصف كيلو عين جمل او اى مكسرات ممكن فستق نصف ملعقه فانليا
الطريقه نحط 2كوباية سكر مع 2كوباية ماية على النار بعدين نقلب النشا مع مايه في كوبايه لوحدهم وبعد مايغلى السكر والمايه اللى على النار نحط عليهم النشا اللي مدوبينه في المايه مع التقليب المستمر والسريع بمضرب سلك لمده ربع ساعه بعدين نحط 2كوبايةسكر تانى فوقهم ونضرب بمضرب السلكلحد مايبقي عندنا كراميل فاتح شويه كده بعدين نحط المستكه والفانيليا وماء الزهر بعدين نجيب حبل ونلضم فيه اللوز اوالفستق او عين الجمل ونغمسه فيه ونطلعه ونكرر نغمسه فى الخليط ونطلعه لحد ماخليط الملبن يغطي المكسرات الموحوده فى الحبل ونجيب صينية مدهونه زيت ونحط فيها الحبل اللي حطينا فيه الخليط يوم او نص يوم لحد مايبقي عندنا متماسك مع بعضة ملبن كده ملحوووووووظة كمان ياحلوين قناة النيل للاسرة والطفل بتجيب شيف اسمه الشيف حسن بتاع حلويات بس في برنامج (من كل بلد اكله) الساعه 6 بالليل والاعادة الخميس 2 الظهر هيعمل الملبن بالتفصيل ومعلومات عن حلويات المولد كلها الاحد اللي فات قال المقادير اللي انا كتبتالكم فوق دي والاربع هيكمل
ولما اشوف الحلقة ابقي اكتبلكم اللي قالوا تكمله للتوبيك ده يارب تستفيدوا من الموضوع وانتظروا التكمله ان شاءالله
(مع ان الاحتفال بمولد النبى في ناس بيقولوا انه بدعة ممكن يعملوها فى أى وقت بدون تحديد مش شرط يومها)
2011-02-11, 1:58 pm
والحمصية
