® مدير المنتدى ® رسالة sms : عدد المساهمات : 11575 الاٍقامة : وراء الأفق حيث لاشئ سواى وحبيبتى العمل : مهندس نوسا البحر :   2011-02-16, 10:37 pm | | سر الراجل اللي واقف ورا عمر سليمان
فاكرين الراجل اللي كان واقف ورا عمر سليمان وهو بيلقى خطاب التنحي، حكايته أصبحت مسيطرة على جموع الفيس بوك، لدرجة ظهور عدة مجموعات تطالب بترشيحه للرئاسة أحداها انضم لها ما يزيد على 500 شخص.
تباينت تعليقات زوار الفيس بوك حول هوية هذا الرجل، وكان أبرزها ما يلي:
**الاسم: الراجل اللي واقف ورا عمر سليمان
الوظيفة: الوقوف ورا عمر سليمان
محل الاقامة: ورا عمر سليمان!!!
**وقال شباب الفيس بوك، إن أشهر ثلاث حاجات في مصر دلوقتي: 1- ميدان التحرير 2- وائل غنيم 3- الراجل اللى واقف ورا عمر سليمان
**وانتشرت أيضا على مواقع التواصل الاجتماعي دعوة للاعتصام لتبديل النسر اللى على العلم بالراجل اللى واقف ورا عمر سليمان.
** ورفع العديد من شباب الفيس بوك شعارا: لو لم أكن مصريا لوددت أن أكون الراجل اللى واقف ورا عمر سليمان
**وفي مفاجأة من العيار الثقيل: الراجل اللى ورا عمر سليمان يعترف بأنه هو فعلا الراجل اللى ورا عمر سليمان
**الجزيرة: مبارك سافر إلى دبي، العربية: مبارك سافر إلى لندن، التليفزيون المصري: مبارك في شرم الشيخ، والحقيقة هي أن مبارك في بيت الراجل اللى ورا عمر سليمان.
**ولما عمر سليمان لقى إن الراجل اللى واقف وراه بقى أشهر منه، قرر يغير اسمه من عمر سليمان إلى الراجل اللى واقف قدام الراجل اللى ورا عمر سليمان.
**عاجل وخطير: أوباما يعرب عن قلقه و يصرح بأن الأوضاع في مصر لن تتحسن إلا بعد معرفة مين الراجل اللي ورا عمر سليمان.
** وهدد العديد من الشباب بأن تكون الجمعة القادمة اعتصاما ليتم تعين الراجل اللي واقف ورا عمر سليمان وزيرًا للأوقاف.
** وفي المقابل دعت حركة شباب 25 يناير إلى تنظيم مظاهرة مليونية يوم الجمعة القادمة 18 فبراير، تحت اسم جمعه "المعرفة" وذلك لمعرفة مين الراجل اللى كان واقف ورا عمر سليمان.
وكما في "فيسبوك" كان حال "تويتر"، حيث تم إنشاء "هاش تاغ" خاص لـ"الراجل اللي ورا عمر سليمان" TheGuyBehindOmarSuleiman#، حيث تنافس الجميع في تبادل الرسائل حول شخصية الرجل.
فيقول وائل عاشور "4 بنوك أوروبية تعلن عن تجميد أرصدة الراجل إللي واقف ورا عمر سليمان لحين الكشف عن هويته". بينما يقول بدر حلواني "لَيسَ الفَتى مَن يُقولُ كانَ أَبي.. إن الفتى من قال أنا الراجل اللي واقف ورا عمر سليمان".
ويقول أحمد "أنباء غير مؤكدة: جلوس الراجل اللي واقف ورا عمر سليمان". بينما ينقل بلال "عاجل: بعد اتساع شهرة الراجل اللي ورا عمر سليمان، عمر سليمان يغير اسمه إلى الراجل اللي قدام الراجل اللي ورا عمر سليمان".
كما لم يسلم وائل غنيم نفسه من التعليقات، إذ يقترح مروان المريسي أن الرجل خلف عمر سليمان هو "وائل غنيم لابس قناع". ولا يغيب الخليج عن الموضوع، فيقول أحدهم "حل مشاكل الخليج يكمن في استقطاب الراجل اللي ورا عمر سليمان".
وكتب أحمد عماري "المستحيلات أربع: الغول والعنقاء والخل الوفي وجلوس الراجل الواقف ورا عمر سليمان".
وبين النكات، تنساب دعوات لوقف السخرية من الرجل، لكن بسخرية أيضاً. فيقول عمر عبدالوهاب "الإخوة اللي بيتريقوا على الراجل اللي ورا عمر سليمان.. الراجل ده حارب في 3 حروب واستشهد مرتين.. ياريت نقدره وكفاية".
تنويه: بالطبع لم يكن يقصد شباب الفيس بوك إهانة هذا الرجل، الذي يقال فيما يبدو أنه ضابط بالقوات الخاصة، ولكنهم طالبوه بأن ترتسم البسمة على وجهه أيضا كما ارتسمت على وجوه جميع المصريين الذين فرحوا بخطاب التنحي الذي ظهر فيه واقفا وراء اللواء عمر سليمان، وهو يلقي خطاب تنحي مبارك عن رئاسة مصر.. ولهذا الضابط بالطبع كل التقدير والتحية والاحترام. _________________  حسن بلم | |
| |
