انا انهارده جيبلكم طريقه تجنن للتوفير بما ان الاسعار فى الطالع لازم افكارنا كمان تطلع من دماغنا شويه ولا ايه المهم انا الاول ححكيلكم حكايه عشان تفهموا انا فكرت فى الحكايه دى وقولت افيدكم انتم كمان لاننا كلنا فى مركب واحده انا كنت بشتغل الاول وكان مرتبى كبير وكنت بصرفهكله واوقات كنت بجيب حاجات للبيت بسيطه بس كانت بتساعد وحصلت ظروف واضريتاقعد من الشغل عشان ابنى يوسف ربنا يحميه وجوزى هو الى كان ماسك المصروفعشان بيخاف منى افرتكه بس انا اتشجعت وقررت انى لازم اتعلم التوفير وامسكالمصروف بما انى فاضيه ومش ورايا حاجه وياريتنى مااتشجعت ولا قررت اول يوم انزل السوق فوجئت بالاسعار الغريبه واكبر صدمه كانت فى الطماطم ام 10ج بجداحنا لازم بعرف ازاى نوفى لان والله ال10ج بتفرق ومن هنا جاتلى فكرهالفرخه وانى بدل ماشترى البانيه والشيش طاووق والشاورما ووجبه كنتاكى لاده انا من فرخه واحده بطلعته بكل سهوله اسفه للاطاله بس كان نفس اعرفكم قصتى مع التوفير وياريت كل واحده تقولنا حكايتنا وكلنا نستفيد نيجى بقى للفرخه..........
اخد الصدرين وافصلهم واخلى العضم وبيبقى عندى لحم الصدر ده الى بعمله البانيه رفيع او تخين على راحتك بس الوسط احسن
وفى الصدر حيتبقى الرقبه وعضم الصدر والاجنحه اوعى ترميهم حقولك نعمل فيهم ايه
بعد كده نيجى للوركين ونصلهم ل4 قطع يعنى الدبوسين والفخدين
حناخد الدبوسين مع الجناحينونسلقهم نصف سلقه ونتبلهم بميه البصل والبهارات ونحطهم فى الدقيق والبيضثم البقسماط ودى وجبه كنتاكى مع شويه بطاطس وسلطه كول سلو
بعد كده الوركين تفصلىاللحم عن العضم وتقطعيه قطع صغيره وتبليها ومع قطع الفلفل والبصل والطماطمام 10ج وعلى سيخ وعلى الشوايه بقت شيش طاووق
نيجى بقى للعضم الصدروالورك ده تنضفيه كويس جداااا ومهما تكونى مش شايفه فى لحم حيطلعلك كميهكويسه والله لما بكون رايقه بفصص الرقبه واطلع منها اللحمه الى فيها ,تخدىاللحمه دى كلها وتبليها وبقت شاورمه
العظم الى اتبقى برده مشحسيبه لازم ابهدله اكترمن كده حنعمل بيه حبه شوربه جامدين تعمليهم ملوخيهتقضى بيها يوم جمب فلفل مقللى وسلطه طماطم من ام ايه ...... ها قولواشاطرين من ام 10ج
وفى فكره كتبتها فتوكه منجلد الرقبه انك تحشيها رز وتقفيليها وتسلقيها مع العضم بتاعنا ولما يستوىتحمريها فى سمنه.. بجد هايله انا نفسلى الى مابرحمش الفرخه كنت برمىالجلده دى
اخر حاجه الكبد والقوانص تقطعيها وتشوحيها فى بصل مع سمنه وتعملى بيها احلى رز بالخلطه
انا اسفه للاطاله بس كنتعايزه اشرحلكم بالتفصيل بس انا مش بعمل فرخه واحده انا بصراحه بجيب فراخالشهر سواء 3 او 4 او 2 وبعملهم مره واحده عشان تبقى الكميه كبيره وكمانعشان اتبلهم مره واحده واحطهم فى الفريزر راطلعهم على الاستخام على طول يارب تكونوا استفدتم منى وياريت اعرف رايكم والى عنده فكره يقولها
2010-10-19, 4:33 pm
