السلام عليكم ورحمة الله وبركاته

ازيكم يا اعضاء المنتدى العسل ده

النهاردة انا جيبت الموضوع دا لأنى بجد لاحظته بشدة أوى فى المجتمع بتاعنا


ليه الفتاة بتتبرج فى لبسها ومش عاوزة حد يعاكسها أو يتعرض ليها ولو حتى بالكلام ؟؟ ،


أكيد احنا يا جماعة سمعنا عن الكلام دا ،

ودا اذا يعنى مكناش شفناه وشوفنا مواقف حصلت قدام عينينا

واللى بيحصل من خلال المعاكسات فى الشوارع سواء كان الموقف

طريف أو محرج أو فاضح واللى أنا شايفاه الأيام دى ان الحكاية

دى بقت ايه تكتر اوى وبطريقة كبيرة وسريعة اوى المهم ،

استناداً الى السنة فى موضوعنا دا قال

المصطفى صلى الله عليه وسلم

( كلك راع وكلكم مسئول عن رعيته )


فلازم يعنى الأب يشوف المنظر الخارجى لبنته سواء كانت لابسة

عباية أو غيرها من الملابس عندما تكون خارجة من البيت

للسوق أو الأماكن العامة ويجب الاهتمام بهذا الأمر حتى لا تنجرف

البنات مع صرخات الموضة التى تكتسح البلاد والتساهل فى

ارتداء ولبس مثل هذه الملابس فى مثل هذه الأماكن وحتى لا

يتعرضوا للمضايقات والمعاكسات .



وبرضو الأم يا جماعة ليها دور كبير فى التربية وبصفة خاصة

بناتها ودا لقربها منهم فى البيت وانها لازم تربيها على اللبس

الشرعى ليهم منذ صغرهم وزى ما قال الشاعر :-


>> الأم مدرسة اذا اعددتها اعددت شعباً طيب الاعراق << .


وعندما نرى الفتاة تلبس اللبس الضيق وتضحك بصوت عالى

مع صديقتها أو غيرها من التصرفات المشينة التى تقوم بها

أو تستهبل مع واحد من اصحاب المحلات التجارية وتكون خفيفة

هل تعرفون ما هو اول شئ يتبادر لمن يرى هذا ؟؟


هيقول فين ابوها ولا اخوها

فالعتاب الاول بيكون على الأهل

الذين لم يعرفوا كيفية تربية مثل هذه البنت وسترون بعد ذلك هذا

العنكبوت بنسج خيوطه حول هذه البنت لاقامة علاقة جديدة معها

لما رآه فيها من مهيسة واستهبال وعدم احترام .


والموضة يا جماعة ابتدت تكتسح عالمنا وتسيطر على مجتماعاتنا

الشرقية على الرغم من ان المنتجين نفسهم لا يلبسون مثل هذه

الموضة أو الملابس يعنى مثلاً هنلاقى احنا وماشيين بنات منها

المحجبة ومنهم المتبرجة ولكن سنجد ان بعض هؤلاء الشباب


وليس كلهم يجرون خلف المتبرجة لما رأوه من فتنة فيها وانها

فتنت اعينهم مما جعلهم يعاكسونها وجذبت انتباههم ،


ومش عارف ليه يعنى بتقعد تصرخ اذا لقت واحد بيعاكسها ؟؟؟


انا ما أقدرش أقول ان كل البنات يا شباب اللى بتكون متبرجة انها

مش متربية تربية اسلامية

بالعكس المعروف عن بنات حواء انهم بيحبوا التبرج

والاستعراض وفى بنات ما شاء الله ربنا يحرسهم

على اخلاق وادب وملهومش فى شغل الاشتغالات والمعاكسات

ما شاء الله يعنى بنشوفهم لابسين لبس محتشم جدا

وبتكون فى حالها ومحترمة نفسها ومش قصدها انها تتعاكس

يا جماعة عادى ان البنت تلبس لبس كل مكان وليه لبسه ومظهرو

اللى يناسبو... بس دلوقتى احنا عاوزين نعرف حاجات ...

ايه أساس المشكلة دى ؟

ازاى يكون حلها ؟

ومن السبب فى هذه المعاكسات ؟

وعلى مين يقع اللوم الأكبر ؟؟

الفتاة أم الشاب !!


وقبل ما أنهى كلامى ..

عاوز اعرف رأيكم يا شباب فى الموضوع دة لان المجال فيه

مفتوح للمناقشة

لأن الناس بقت بتتبرج وبتمنع المعاكسات فى نفس الوقت طيب

تيجى ازاى دى !!

والكل بعد كدا يرمى اللوم على الشباب !!