ارحم البنت من التصريح وافهم من التلميح ارررجوك متستغربوش من عنوان الموضوع ، يمكن هو فعلا عنوان تقيل شويا ولكن لية معنى وهدف كبير المهم ما علينا ،،،،
لية لما اولادنا ولا اخوتنا الصغرين يجو يشتكوا من حد انوة بيتصرف معاهم تصرفات غربية او بيلمسهم لمسات غربية مبنصدقش ، او نجيب اللوم عليهم
لية مبنعملشى مواجهة مع الشخص دا ، او لية بنكدب اولادنا رغم اننا عارفين ومتاكدين من الى بيحصل ،
ولا هو لازم تحصل مصبية علشان نتحرك ؟
اولا عاوزة اعرفكوا ان الاطفال عمرهم ما بيكدبوا لانهم ميعرفوش الكدب
انما الكبار هما الى اخترعوا الكدب علشان يهربوا بية من المصايب الى بيعملوها
لكل ام
*
لما بنتك تقولك ان فلان بيتصرف
تصرف غريب او بيلمسنى بطريقة غريبة
اوعى تهزئي بنتك
وتحسسيسها ان هى الجانى رغم انها ضحية
انتى تروحى معاها وتواجهى الشخص ده
ومهمها انكر اوعي تصدقيه وتكدبى بنتك
الكبار بيستغلوا صغر سن الصغار
وبيقولوا معقول هتكدبينى انا وتصدقى عيلة صغيرة؟
من الاخر لازم ساعتها نقف وافقة من الشخص دا .. اقل حاجة يتاخد قلمين علشان يتربى وميعملش كدا تانى او يتفضح فى وسط اسرتوة علشان يعرف ان المواضيع دى مش بتعدى بالساهل ومش كفاية اننا نقول لباتنتا واخوتنا خلاص متروحوش هناك تانى هنفترض انهم فعلا هيسمعوا الكلام ومش هيرحوا ... تفتكروا هو هيبعد عنهم ؟؟ والاسف الموضوع مش مقتصر على البنات وبس دا اتفتح على البحرى على البحرى اووى يعنى ولاد وبنات فخلوا بالكوا
لكل زوج
* لما مراتك تقولك انا مش مرتاحة لفلان بلاش تقعد تقول ليه وتسال اسئلة كتير ارجوك يا حضرة الزوج المحترم افهمها وهى طايرة افهم ان نظرة فلان لمراتك مش مريحة افهم ان مراتك ممكن تكون اتعرضت لشئ من التحرش ومش عايزة تصرحلك علشان ماتعملش مشاكل بينك وبين الشخص ده خصوصا لو كان الشخص ده اخوك ولا ابوك ولا حد من قرايبك الرجالة لان صلة الدم اللى تربطك بيهم هتخليك لو هى صرحت باللى حصل انت مش هتصدقها برضه مش هتصدق ان اخوك ممكن يكون بيتعرضلها او صاحبك يكون بيبصلها نظرات غريبة فعلشان كدة لو سمحت
ارحمها من التصريح وافهم التلميح
محمد خليفة
® عضو مميّز ®
رسالة sms :
عدد المساهمات : 197
العمر : 42
نوسا البحر :
2010-05-17, 12:23 am
والله موضوع كويس ومشكورة عليه جدا بس أهم من الموضوع العنوان يا سلام على الوزن والقافية والتجانس فى الكلمات بصراحة العنوان جميل جدا وشدنى لقراءة الموضوع ،
2010-05-05, 12:54 pm
