"اللي يتكلم علي بلدة باﻻسلوب ده انسان حقييييييييير وﻻ يستحق انه يكون انسان ده مكانه .......
لو هو عاوز يجيب شقه ويركب عربيه بشتغل وانتي اكتر واحده تعرفي ده ﻻن كل اللي حواليكي من أهلك لما بيكون عندنا هدف نسعي لتحقيقه دون تحقير ﻻعظم بلد خلقها ربنا وبكره كل خاين جبان يعرف كده كويس"
#cpd
استخرج من القطعه السابقه
1-عدد عشرميت همزه وصل مكتوبين غلط..
2- عدد 2 جمله(ريهام سعيد ستايل)
3-عدد 2 مرض نفسي يتم علاجهم بجلسات الكهربا المقطوعه
====================================
طبعا مفهوم من السياق أن القطعه الأدبيه الفريده دي في قدحي ولعن سنسفيلي..بس عادي يعني....تعرفوا أيه هي آيه الass hole؟؟
الass hole مش شايف غير نفسه -والسيسي طبعا- ومش بيسمع غير لبرامج التوك شو..بيخاف يشغل دماغه..بيحاول يحافظ عليها(فابريقه) كأنه هيبيعها بعد كده ، حد والنبي يقول للأشكال دي مفيش مانع يشغل دماغه من وقت للتاني..لأنه للأسف مش هيعرف يبيعها بحاله المصنع..ولا بأي حاله تانيه وأن الدود هياكلها في تربته عن قريب بأذن الله..
لو الass hole شغل دماغه للحظات ودخل علي البروفيل بتاع البني آدم اللي بيشتمه هيعرف أنه بيشتغل..دكتور بشري..و مش عواطلي ولا حاجه ،وعنده الشقه والعربيه ..لكن ده ممنعوش أنه يشغل دماغه ويحس بالناس.
حد يقول للass hole أن ملايين من عمال مصر بيشتغلوا 12 ساعه في اليوم مقابل 800 جنيه شهريا -دول معهمش يركبوا مواصلات- مش هنقول عربيات..طبعا مش هتكلم عن الشقه
حد يقول للass hole أن (أعظــــــــــــــــــم)دوله في العالم فيها 17 مليون أميّ،ونسبه بطاله31%، و14 مليون تحت خط الفقر العالمي،وشبابنا بيموت في مراكب الهجره من المستنقع ،و99% من أرضنا صحرا،والدولار ب7.6 جنيه و لسه بيغلي،وجوده التعليم عندنا في الحضيض ويمكن المركز الأول اللي بنحتله هو في عدد المصابين بفيروس سي في بلد ميزانيه الصحه فيه 2.8% بالأضافه أن 65% من أطباءه بيشتغلوا بره مصر عشان يوّفروا عيشه لائقه لعيالهم..
أحنا(أعظــــــــــــــــــم)دوله بتشتغل نفسها وبتشتغل مواطنيها...
#المواطن_الasshole
#للبيع_مخ_بحاله_المصنع
2015-06-02, 8:04 pm
