1- مبدئيا الشيشة في حد ذاتها مش مضرة.. بس اي حاجة كتير مضرة. 2- الشيشة وطن و احتواء مافيش داعي للازدراء من غير المدخنين. 3- عيب لما تبقى شحط و تقول للواد سخنهالي... اطلب من صاحبك اكرملك لو ظروفك صعبة. 4- الشيشة بعد الاكل حلوة. 5- و قبله حلوة. 6- و ساعات و انت بتنأنأ حلوة. 7- النفخ في الحجر بمثابة قبلة الحياة... عشان كده اطلبه بأدب استخدم (لو سمحت) و (شكرا). 8- لو شبح و هاتنفخ بنفسك امسك الفويل عشان مايطرش و شكلك يبقى وحش. 9- البيرة بتحب الشيشية و الشيشة بتحب البيرة و انا باحبهم الاتنين. 10- مافيش حاجة اسمها انت بتشيش ؟ الشيشة زي الشاي و القهوة مش عار يعني. و مش بتتبطل. 11- هاتجيب البتاعة الالكتروني الصيني المايصة دي و تحاول تبطل ؟ هاتشرب الاتنين و في الاخر هاتبطل المياصة عشان انت من جواك كويس و مش مايص. 12- احترم البنت اللي بتشيش دي صاحبة مزاج و صديقة عظيمة اتمسك بيها. 13- مش عيب ان مراتك تشيش قدامك او معاك.. انت في نعمة ..عالاقل لقيت واحدة عارفه هي عاوزة ايه ! 14- لكل بنت واخدة الموضوع تريند و مش عن حب.. هاقولك كلمة تحطيها حلق في ودانك, الشيشة دخان مش ماسكة لاي. 15- فكرة ان حجر واجد يساوي الف و ميتين سيجارة دي اشاعة فيس بوك.. عمرك شوفت معزة بتتكلم او اطباق طايرة غير عالفيس بوك ؟ 16- الاندر ايدج : واحدة واحدة الشيشة انفاس... نفس و تتكلم.. نفس و تشرب .. نفس و تاكل. مش انبوبة اكسجين هي ! 17- لو هاترص لنفسك ماتتطافصش.. قلل المعسل مش بنحشي سندوتشات احنا. 18- ماتحولش تبطل شيشة بسجاير او تبطل سجاير بشيشة... دي لووب بنت كلب و هاتشرب الاتنين في الاخر. 19- هاتجيب مبسم خشب مزغرف و هاتنساه في القهوة... و حد تاني هايستعمله. خليك في العادي. 20- مافيش دكتور نصح بلاي طبي قبل كده على فكرة. 21- مش فاهم مصطلح طبي ده غريب قوي محسسني انك بتخسس مش بتشيش. 22- البحريني و الفاخر دي اشتغالات.. ميزو و النخله هم الاساس و الاصل و التاريخ و العبق. 23- مدخني القص و الزغلول... ماذا اقولُ في مدحٍ من تاه البيانُ بوصفهٍ. 24- اندر ايدج : ماتستعجلش عالتدخين هو جاي جاي... لسة قدامك كام سنة في الملاعب استمتع بيهم عشان هاتتحول لبطة تايهة على دايرة السنتر. 25- بقشيش للواد بتاع الولعة عاشان يحبك و يظبطك المرة الي بعدها.. عيب انت مش واطي عشان تنفضله. 26- الولعة السماسم بتحرق الحجر.. الوسطية هنا كويسة.. هنا بس. 27- لو بتعرف تحط الولعة بالمفتاح بلا معاناه احب اقولك انك اخدت لقب العمودية و انك انسان عظيم بصرف النظر عن راي اي حد. 28- التخميس حلو.. بس مش دايما, يا بخت من زار و خفف. 29- لو هاتشيلها شيلها من الفارغ.. صحاب القهوة و العاملون بها بس اللي من حقهم توقيع الشيش و تكسيرها. 30- لو الفويل رفيع ( رخيص ) حط اتنين و خرًم بدبوس. 31- طلبك لدبوس من واحدة محجبة لابد بان يقابل بمنتهى الاحترام ... الناس لبعضها. 32- جرب تخلي الميتينج في الكافيه و شيش انت و الكلاينت و ابعتلي اشكرني ان الديل قفل. 33- المجد كل المجد لمن اخترع مثل هذا الميكانيزم المتناغم و جعل من تلك الرفاص مصدر سعادة و كركرة للانسانية جمعاء.
2015-05-24, 10:25 am
