ساعات تتضايق من حاجه حواليك
من ناس ماهماش ناس
من اقنعه وقعت او وشوش اتكشفت
و يسيطر عليك الاحساس ده بحيث متشوفش غيره
و بعدين ...
تحصل حاجات
حد يقصدك فى حاجه ملحه و ربنا يقدرك تعملها
صديق يطلب طلب و تقدر تلبيه
بنتك تتعلق بحاجه صعبه و تجيبها
مامتك تبص لك نظره رضا
صحاب يحبوك و ياكدو انهم جنبك مهما حصل
حد يشوفك بكل عيوبك و اخطاءك ... جميل
مديرك يشكر فيك و يقولك كلمتين انت عارف انك تستحقهم بس برضه سماعهم حاجه تانيه
.
الحياه اكبر بكتير .. انك تقف على حد ، او عند حد
الحياه .. حلوه جدا على فكره
smile
2015-04-27, 4:43 pm
