شاب ثورى راح يخطب بنت واحد سيساوى
العريس : انا طالب ايد بنتك يا عمى
والد العروسة : نتشرف بيك يابنى .. عندك شقة ؟
العريس : انا يا عمى حجزت شقة فى مشروع المليون وحدة بتاع السيسى
الراجل : مليون وحدة إيه يابنى .. ده طلع نصب
العريس : بتقول إيه ياعمى .. السيسى نصاب ؟
الراجل : لا يابنى حاشا لله .. ماعلينا .. بتشتغل إيه يابنى ؟
العريس : والله ياعمى انا منتظر مشروع الـ 1000 عربية بتاع سوق العبور
الراجل : نعم ياروح ماما ؟؟
العريس : بتعترض ياعمى ولا إييييه ؟
الراجل : لالالالا مش بعترض ولاحاجة
العريس : آآه .. بحسب يعنى ..
الراجل : هتدفع مهر كام يا ابنى ؟
العريس : انا منتظر نصيبى فى الـ 14 مليار بتوع الخليج ياعمى
الراجل : هاااااااااار اسوح
العريس : وعلى فكرة ياعمى انا عندى الإيدز
الراجل : نعممممممم !!!!!!
العريس : لامتقلقش ياعمى انا هتعالج بجهاز الكفتة بتاع الجيش المسرى العزيم
الراجل : حسبى الله ونعم الوكييييل
العريس : نقرأ الفاتحة بقى ياعمى .. ولا انت معترض على مشروعات سيادة الرئيس ؟
الراجل : نقرأ يابن الـ ......
العريس : بتقول حاجة يا دادى
الراجل : بقول ولا الضالين آمين
العروسة وأم العروسة : لولولولولولولولولى
نحيطكم علما ان والد العروسة قد أصيب بجلطة فى المخ وشلل رباعى وحول فى عينه اليسرى
__________________
لو شايف ان الفكرة دى ممكن تحل مشكلة الشباب العازب شيرها واحكيها لكل اللى ملوش فى النت وخليك إيجابى
2015-04-07, 9:43 am
