® عضو مميّز ® رسالة sms : عدد المساهمات : 159 نوسا البحر :   2011-08-20, 5:39 pm | | الديك الرومى المشوى يجنن,,بالخطوات المصوره
جيبالكم النهارده وصفه سهله جدا جدا ,,تنفع جدا فى عزومات رمضان
يا رب تعجبكم ,,,,
المقادير ..
ديك رومى متوسط ,,
بصلتين متوسطين ..
معلقتين خل ..
فلفل,ملح , توابل مشكله حسب الرغبه
نصف كيلو بطاطس ,,
معلقتين كاتشاب ,,
الطريقه ,,,
نقطع البصل ترانشات
نضيف التوابل والملح والخل والكاتشاب على البصل
نتبل الديك بعد تنضيفه كويس بالدقيق والملح بالخلطه من بره
ونعمل فى الصدر بتاع الديك فتحتين بالشكل ده ونتبلها برده علشان الصدر يستوى كويس
ونحشى الديك من جوه بالبصل بالشكل ده
وشويه تتبيله فى الصينيه من تحت الديك برده
نكتف الرجلين بالشكل ده ,,
نسيبه فى التلاجه تقريبا ساعتين علشان التتبيله تشتغل ,,
وبعدين نقطع البطاطس ترانشات تخينه ونرصها تحت الديك فى الصينيه
نضيف تقريبا كوب من الماء فى الصينيه ونقفل عليها كويس بالفويل وندخلها فرن حامى جدا ونسيبها
تقريبا ساعتين او ازيد حسب حجم الديك
كده نشيل الفويل وهنلاقى الديك عمل مرقه كتيره منها ناخد بالمعلقه ونسقى الديك فى كل حته
كل خمس دقايق تقريبا ,,لغايه ما المرقه تنشف شويه والديك يتحمر ويستوى أكتر
يقدم بالهنا والشفا وأدعولى,,
ممكن يقدم مع الرز بالخلطه هيبقى يجنن
واى أستفسار أنا حاضره ,,,
| |
| |
® عضو مميّز ® رسالة sms : عدد المساهمات : 233 العمر : 34 نوسا البحر : | 2011-08-22, 9:53 am | | هو فاضل كام ساعة على المغرب
هههههههههههه
شوقتينا ياسالى
موضوع جميل جداا والديك روووووووووعة
تسلمى ياقمر | |
| |
