طلبات مصرى من عفريت

2010-11-10, 6:57 pm

[

color=red]ماشي في طريقي وسكتي

من غلبي بابكي بدمعتي

بادعي واقول يا رب ارزقني

فك كربتي

فجأه لاقيت مصباح قديم

مسكته ودعكته

طلعلي منه عفريت رجيم [/color]

وقالي شبيك لبيك عبدك وملك ايديك

اطلب وطلبك مجاب

باذن المولي هايكون عندك هنا عل الباب

لاقيت نفسي بفكر وم التفكير تعبت

مسكت الورقه ديه وبالقلم كتبت

أناعاوز قمح زرع فى مصر ومرتب يكفى لآخر الشهر

وحكومة متعصرنيش عصر ومسؤولين يبطلوا فشر

وعاوز عيش من غير طوابير وإنفاق حكومى بدون تبذير

وانتخابات من غير تزوير ورئيس سابق أشوفه كتير

عاوز فى بيتى شيكارة دقيق وتبرير مقنع لأى حريق

ومجلس شعب بدون تصفيق وفى كأس العالم لينا فريق

وأكلة كباب مشوى على السيخ مع عيالى فى شرم الشيخ

وأشرب فى القسم عصير بطيخ وأخرج سليم بدون تلطيخ

ونفسى الضحكة ترجع تانى ومهم رصيف للمشى أنا وخلانى

وجنيه مصرى زى البرانى يشترى حتة لحمة ضانى

رد العفريت عليا بغشم وقال يا مصرى ماكنش العشم

أنا ممكن أشيلك الهرم واسدلك الأوزون اللى اتخرم

وأرجعلك الأكل اللى اتهضم وتمأمأ البقرة كأنها غنم

أبنيلك قصر من العدم وأقولك معنى شرم برم

بس طلباتك طلبات ممسوس عقله خلاص أكله السوس

ده تخطيط يا بنى ومدروس إنك تعيش على طول موكوس

وأحنا بناخد منكوا دروس إزاى يبقى الجن متعوس

ويا ريت ترجعنى تانى الفانوس وأنا راضى أعيش محبوس

بدل ما أخرج واتبهدل زيك ويتلم موكوس على متعوس

2010-11-10, 7:20 pm

ههههههههههه

وكم ذا بمصر من المضحكات

ولكنه ضحك كالبكاااااااااااااااا

سلمت يداك أختى الكريمة

2010-11-14, 9:58 pm

ههههههه

رائع جدا تسلم ايدك

سؤال البحث

نتائج البحث المساهمات المواضيع
وسم الكلمات الدليلية
بحث متقدم