من الموءكد لايخلو بيت من مشاكل الضغط نظرا للظروف التي نواجهها في ايامنا هزه j لو الضغط اكبر من150علي100 وممكن يكون فيه صداع ونزيف لزلك اي حالة تعاني من صداع لابد من قياس الضغط ايه العلاج--------------------------------------------------- امبول لازكس لو اللي فوق هوه العالي كبسولة كابوتين لو اللي تحت هوه اللي عالي لو لم يتحسن علطول علي قسم طواريء الباطنة الضغط اللي واطي اقل من80 علي60 العلاج ايه-------------------------------------------------------------------------------- 500سمم محلول ملح وبه امبول ديكسا وبعدين نقيس الضغط تاني الحالات زات الضغط المنخفض جدا ولاتستجيب للعلاج قد تكونsepticshock لازم ىدخل العناية

ميرسي بجد عالمعلومات الرائعة دي ...

صح مفيش بيت بيخلو من مشاكل الضغط ... ولازم ننتبه قبل ما نوصل لحالات الضغط العالي جدا اللي ممكن يوصل لنزيف ..

بيقولوا دايما الضغط المنخفض افضل من الضغط العالي وناس كتير بتسال عن المعلومة دي صح ولا غلط ...

اكتر الاطباء قالوا ان المعلومة دي صح لاننا نقدر نلحق الضغط المنخفض لكن الضغط العالي عواقبة وخيمه جدا وومكن يصل لنزيف ومنلحقش المريض ...

برضة مش عايزين نهتم باهم حاجة وان احنا نبعد مريض الضغط عن التفكير والمشاكل والحزن والهموم كل ده غلط عليه ...

لازم مريض الضغط يفهم ان الملح بيزود الضغط ويعليه والسكر بيعمل علي تخفيضة ...

مريض الضغط العالي بالذات لازم يفهم انه لو مش هيمشي عالعلاج باستمرار وباهتمام ممكن يضيع في اي لحظة ..

شكرا من الأعماق لكى أختى" همسة"

بحق موضوعك هذا همسة جميلة أفادتنى شخصيا

فأنا كل يوم أكتشف فى وطنى أخبارا جديدة ترفع الضغط ولا ترفع الرأس

&&&

وشكرا لاشتراكك الذى عطر صفحات المنتدى

و جعل منتدانا هذا عيادة حقيقية

شكرا دكتورة همسة وشكرا يا دكتور محمد

أسأل الله أن يوفقكما دائما وأن ينفع بكما المسلمين

كنت عايزة ابين حاجة للاخ الكريم محمد السكريات لاتجعل الضغط ينخفض كنت اعتقد مثلك هزا لمدة6 سنوات من دراستي في كلية الطب ولكنني بعد التخرج والممارسة العملية لمهنتي والاختلاط بعمالقة الطب تبين لي خطاء المعلومة وفوجئت بكم من التريقة والضحك يعني الموضوع مش عكس وعكاس في حاجات معينة توطي الضغط مثل الكركديه بصراحة هزا المشروب جبار في علاج الضغط لزا لاينصح لمن ضغطهم واطي بشربه ينصح بشرب الشاي والقهوة وزيادة الملح في الطعام ام بخصوص ايهما اخطر العالي اوالواطي فهي مجرد نسب وحسابات مثلا هناك ناس ضغطهم200ومع زلك لاتوجد اي اعراض عندهم وناس لما يعدي 160 تلاقي نزيف وصداع وربما جلطة في المخ ناس ضغطهم60و70 وعادي وناس لما يحصل 100يبقي الضغط نزل عندهم جامد وصداع ودوخة وربما مايوصلش دم للمخ ويحصل غيبوبة كل ده حسب الضغط الاصلي للمريض كام الخلاصة ان ده خطير وده خطير ولكن في مراحل معينة لزلك ينصح بوجود جهاز ضغط قياس اوتوماتيكي اي بمجرد وضعه علي يد الشخص يقيس دون الحاجة الي طبيب هزا الجهاز ينتشر في شارع جيهان بالمنصورة وسعره في حدود200جنيه وييعمل بالحجارة العادية

شكرا جزيلا ليكي دكتوره علي التوضيح الرائع الجميل ده ...

برضه هاقولكم علي موضوع معايا بقاله فتره وممكن الدكتوره تعلق عليه ....

انا لما اكل سكريات بادوخ وبيجيلي صداع وباتعب بصراحة انا خفت قلت ممكن يكون سكر ... وطبعا لاني في المجال عملت تحاليل السكر صايم وفاطر وعشوائي

ولقيت السكر واطي واستغربت جدا ..يعني مش سكر ده السكر قليل عندي وده اللي عملي دوخة وصداع من اكلي سكريات ...

المهم قابلت استاذ في كلية طب المنصورة وقعدت معاه لما جه المستشفي عندنا وحكيتله القصة دي ...

طبعا شرحلي ازاي البنكرياس والانسولين وعندي الانسولين بينزل في الجسم كتير يعني اول ما اكل سكريات نسبة الانسولين اللي بيضخها الجسم بتكون اكتر من

نسبة السكر بيعملي هبوط في السكر وقالي الحمد لله ده مش شيء مرضي طبعا بالعكس كويس وغالبا بإذن الله طبعا صعب تتعرض للسكر ..


المهم طبعا لاني باحب الحلويات فقلتله يادكتور المشكلة دلوقتي عايز اكل حلويات ...

قالي تاكل حليوات بعد ما تكون اتغديت غدوة كويسة او عشا كويس عشان يكون فيه نشويات وبروتينات وغيره في الجسم فالانسولين اللي هيخرج يبقي علي قد

السكر وميحصلش دوخة .,... وبالطريقة العمليه معدشي بيحصل دوخة الا ل كلت سكريات دون اكل كويس ....

انا حكيت القصة دي بس عشان افتكرتها .

أما موضوع الضغط موضوع كبير واتمني اللي يعرف حد عنده ضغط ميتاخرش انه يوديه لدكتور ويمشي علي علاج ...

او الجهاز اللي الدكتوره اشارت ليه وسهل جدا لقياس الضغط .

ميرسى كتير ليكى على المعلومات الجميلة دى

تسلم ايدك يا دكتورة