مين مننا مكنش فى يوم مع شله واصحاب
ودلوقتى لما بيفتكر بيقول
كانت ايام حلوه
مين منكم مكنتش فى يوم مع صحباتها ولو ليوم واحد ودلوقتى لما بتفتكر بتقول
كان يوم حلو
لان اللمه هيا الصحبه هيا الاخوه هيا الصداقه
هيا المحبه فى الله لله
ولو اللمه فيها الاحترام . فيها الثقه . فيها الكلام الهادف فيها التهريج الراق
اكيد هتبقى احلى
واللى يغيب مننا مين بيسال عنه ومين بيلاحظ غيابه
مشاغل حياتنا بتليهنا حتى عن نفسنا
وفى كتير بيفرحوا بيبقى نفسهم يقولوا للكل احنا فرحانين
عاوزين يعبروا ويفرحوا مع اللمه
واللى مضايق ولا مخنوق ونفسه يتكلم بس عاوز حد يسمعه
واللى تعبان و نفسه بس حد يسال عنه
فى اللمه هنحس بغيابه ونسال عنه
لمتنــــــا
نتكلم فيها كلنا عن مشاكلنا عن افراحنا
نسال على اللى يغيب مننا
ونطمئن على اللى تعبان
وندعى للى رايح امتحان
ونسمع اللى مضايق او مخنوق
لمّـــــــتنا
هيا الموده اللى بينا
هيا الاحترام اللى هيسود كل كلمه هنقولها
فى لمتنا هنتكلم فى كل المواضيع
ونراعى ربنا فى كلامنا
فى لمتنا هنحاول نستفاد من بعضنا
هنضحك
هنهرج
هنضايق
هنزعل
بس فى الاخر كلنا اخوات
ونطلع مفيش فى قلوبنا اى شى من ناحيه بعض.
غير كل احترام وموده
تحيــــــــــــــــاتى
نورفانـــــــــــــــــــــــا
2009-09-26, 6:22 pm
