بسم الله الرحمن الرحيم
فى البدايه الموضوع أكثر من رائع
وطرحك للموضوع المهم ده بيدل على اهتمامك الشديد بل وغيرتك على الدين فأسل الله أن يتقبل صالح أعمالنا
أنا مش هقول إجابه للسؤال لكن هقول رأى بصراحه مطلقة ورأى ده من الواقع المحيط
أولا مسألة النقاب ذات نفسه مفيش اختلاف عليه : يعنى المرأة اللى عاوزه تلبسو فده بيكون شىء كويس جدا
واللى بتلبس لبس عادى جدا بس تحت الضوابط الشرعيه اللى كلنا عارفنها
(لايصف ولايشف - أن يكون ساتر للبدن - ألا يكون زينة فى نفسه-ألايكون معطرا - أن يكون فضفاضا واسعا غير ضيق - ألا يشبه ملابس الرجال - ألا يكون شهرة بين الناس) فهذا هو المراد من الحجاب
بس النقطه اللى بخصوص كل الملتزمين والملتزمات من ناحية المظهر الخارجى أنا هقسمها لجزئين وطبعا لما نقول المنتقبات فمنساش الملتحين
أولا الشخص(منتقبه - ملتحى) هبدأ بنيتة اذا كان فى بداية الالتزام هو جواه طبيعته اللى هو عليها من سلوك وأفعال ومعاملات وطباع فلو كانت حسنه زاده الالتزام وتدينه حسناووقارا واذا كانت سيئة وده اللى كتير مننا بيقع فيه هو نيته كويس وأصبح ملتزم يعنى لبست النقاب بس بداخلها صراع نفسى ايمانى رهيب غير ان طبيعتها اللى عليها هى اللى فى الآخر اللى بتسود فلو ايمانها ضعيف هيطغى اللى جواها عليها حتى ولو كانت منتقبه وده للملتحى بالضبط

طيب نيجى لمسأله المنتقبه اللى لبساه ومش كويسه أو تدينها قليل والناس بينظرولها بإستغراب واستنكار ايه ده هو فيه منتقبه أو ملتحى بيعمل كده تالمنتقبات دول وحشين ده اللى بيحصل ليه لآن اى شخص بينظر للمنتقبه أو للملتحى كمظهر خارجى انه رمز كبير أو بصريح العبار زى الأمانه فلازم تشيلها صح
فيحصل اللى احنا عارفينه
بس لو دخلنا للمنتقبه أو الملتحى شويه من جواه هنلقيه شخص عادى خالص بس النفس والشهوات والناس والشيطان بيحاربوه وهو ايمانه لسه ضعيف أو بمعنى أصح ممرش بتجارب الحياة واحتك بيها واتعلم فلسه عضمه طرى فتلقى المنتقبه أو الملتحى بيعاملو العالم المحيط مش بتدينه بل بنفسيته وطبيعته وهذا هو الخطأ فمن المفروض ان أى منتقبه تخلى بالها انها ليست فرد أو شخص مستقل بذاته يتدين لنفسه بل للأمه كلها دون مبالغه
وأقول فى النهايه أنا رأى الشخصى ان لو فى واحد منتقبه وليست على الحال الصح انصحوها لأنها فى أمس الحاجه للنصيحه ومش معنى انها مش كويسه يعنى تشيل النقاب لكن أرى أن مادامت نيتها الله جل فى علاه تحاول ومتيأسش أبداااااااااااااا

{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69

وطول الانسان مبيعافر ويحاول ان يبقى كويس ربنا مش هيسيبه
ونيجى للمنتقبه اللى بتلبسه عشان غرض معين فده ذنبها عليها لأنها مبضرش المنتقبات بس بل بتسىء للاسلام كمان بجد والله
بس هقول حاجه صغيره وأجرى على الله النقاب راحه بجد وربنا يصلح حال الجميع وياريت محدش يضايق من رأى لأن رأى الانسان يحتمل الصواب والخطأ
فإن أخطأت فمن نفسى والشيطان وأن أحسنت فمن الله