قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص .

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

هههههههههههههههههه

عموما ماتزعلشى لو حبيت أجرب الموضوع وأتغالس عليك

ايه ده دى مش غلاسه انت بطبطب عليهم انت شكلك غلبان
يعنى معنى كده ان دى غلاسه
طيب الموضوع معجبنيش وياريت.........بس كده كفايه عليك شكلك تعبت
هههههههههههه
تسلم ايدك
بس بلاش تقول نكت عشان مش حلوه انك تعلق الناس وبلاش المطهر عشان اللى فى السوق ممكن يكون مضروب وبلاش انك تصد الراجل وهو بيشكيلك وبلاش اشارة العربيات عشان الحوادث ولا اقولك بلاش كله وريح نفسك

يا حسن انت تغلس عليه زى ما انت عاوز

دا انا ليه الشرف ان انت تغلس عليه

وشكرا على مرورك الجميل

تيتو بقى هو اللى غلس عليه بجد

لانه قال ليه بلاش دى و بلاش دى و فى الاخر قلى ريح نفسك ومتعملش حاجه خالص

شكرا على المرور يا تيتو

أى خدمه يا غالى
تسلم وربنا يحفظك
هههه

يا سلام علي الغلاسه
ربنا يخليك وتغلس كمان وكمان
متزعلشي انا بغلس
تحياتي

فى ايه يا على الموضوع اسمه

اتعلم ازاى تكون غلس

مش اتعلم ازاى تغلس عليه

بس بصراحه انت نورت الموضوع

شكرا على المرور

السلام عليكم بجد وانا بقرأ الموضوع كان عندي واحد غلس شرب 3 شاي و2 قهوةو اتغدي ولسة قاعد مش دي الخنقة والغلاسة بس وانا بفتح اللابتوب مش عاوز يغير اتجاة وجة علشان اكتب الباسورد وفضل متنح فأنا اللي غلست علية وقولتلة متبصش ولما فتحت المنتدي واثناء قراءة الموضوع دة حبيت يقراة قول اخد الابتوب علي حجرة وقعد يفتش ويلعب ويفتح اميلات وسابني احضر التليفزيون قلت اعملها فية واقطع الكهربا لانو لازقة امركاني فخرجت اطفي الكهربا ولما رجعت افتكرت انو اللابتوب لية بطارية وشغال وارلس ///////////////اسف جدا طولت عليكم ...................................تقبل مروري

انت مطولتش علينا و لا حاجه بس انت بتحكى لينا مأساه حصلت ليك

مع واحد غلس

وعلى فكره اللى انا أخذت بالى منه ان انت بالك طويل اوى

صابر عليه انا لو منك كنت ............... كنت ...................
مش عارف كنت هعمله ايه بس اكيد كنت هعمله حاجه

المشكلة انو اخو صاحبي ومقدرشي ازعلة وفعلا انا صبور بنسبة تعدي القليل بشوية (ومن منا سيدنا يوسف ) اشكرك استاذي المحترم