أنا لا نجم ولا جاهين ولا عبد الصبور_ أنا واحد عادي مالجمهور ' لانا رقاصه واصله ولا فنان مشهور 'مش عارف ليه دايما محسور 'يمكن لأني دوغري وباحترم الدستور ?? ' لإمتي حافضل كاشش ومكمور" دا كل اللي عاوزه أعيش خفيف زي العصفور" أطير وارفرف بحريه بس مش طرطور" أقول رأيي بصراحه فيللي بيدور" من غير خوف ولا ابقي زي الدبور" يزن لحد ما يترقع بساطور" أصلي وألبس بكيفي بلا خوف من عسكري مأجور "يلبسني تهمه ويحبسني في لومان أبدي لاحور ولا دور " ويسلط علي عذاب كلب جعان مسعور" طب نفسي أشرب ميه نضيفه من غير كلور' تنزل زلال زي زمان مالصنبور _ وماتوضاش بنجاسه ويكون طهور _ ماقلقش علي صحتي مالأمراض ولايلوثلي دمي دكتور " أشتغل برواقه بلا ضغط عالشعور" واقبض مرتب مايحوجنيش لرشوه ويحصل لأخلاقي ضمور" ادخل ابني مدرسه يتعلم بجد ويكون راجل وجسور"~~ اشتري طلباتي بلا لطعه في طابور" اسافر بسلام بلا رعب مالعبارة ولا الوابور~~ أحج واعمل عمره بدون حوجة ل تزوير باسبور ~~~ اتفسح عالكورنيش بسميطه بدقه واتمختر في الحنطور ~~~ امشي في شوارع مافيهاش زباله ومطبات وريحتها بخور ~ نضيفه كلها ورد داير مايدور ~~ ماشوفش مناظر خليعه تقرف ولا أسمع جعير بعرور ~~~ ' والناس تتجوز بلا خناق علي سكن ومهور ~~~ و يبطلوا يعيشوا في القبور" ~~~~ أعيش في أمان لا توربيني ولا سفاح موتور ~~~ ولا يتحرض علي ظابط فاشل طماع بقوته وسطوته مغرور ~~~ ولا قلبي يوجعني علي عيال شوارع ولا فساد وغليان مالجور ~~~ لا أقرا ولا اشوف يوماتي أخبار كلها نزاع وشرور ~~~ ويقفلو مقله تسالي المسرور ~~~ اللي بقت كمان مرتع للسباب والخناق للقمرتي والمخمور ~~~ نفسي بقي أبقي محترم واقلع الطرطور ~~~~ دانا سليل العنصرين ياناس بجد أنا مش مغمور ~~~ بس مش عارف ليه لقيتني بالكسره مجرور ~~~ نفسي في حاجات كتيراتحرمت منها ف العهد المسعور ~~~ هو أنا طالب المستحيل والانا بعفن الفساد مخمور مخدور ~~~~ لا نا طايل سما ولا أرض ولا بإيدي حاجه لأني مقهور ماقدرش أبوح باللي في نفسي ولا أعمله أحسن مابقاش مستور ~~~ والا متطلعلي شمس وابقي مغدور الخوف ماليني وماللي حاصل لغيري مذعور ~~~~ لو كان الواحد يموت بقي ويخلص بدل مايعيش ذليل مكسور إحساسي بعجزي مخليني من نفسي معرور ~~~ مابقاش حد بيا فخور ~~~ عشان كدا قلبي مهموم ومفطور ~~~ مالحوجه الديون خلتني معصور ~~~ و الجبايات حاتخليني مفقور ~~~ باصحي يوماتي مالكوابيس منطور ~~~ ياتري فيه أمل أصبح ف يوم منصور ~~~~ والداهيه تاخد كل فاسد مغرور ~~ كابس علي قلبنا ومدلدل رجليه و شحرور ~~~~ يارب ياعزيز ياصاحب البيت المعمور ~~~~ ماتآخذني وصبرني ياللي كله عندك مسطور *^^^^* عوضني وخليني يوم لقاك مجبور الخاطر ومسرو ^^ وعجبي!