قريتنا أقلعت عن التدخين فاستبدلت سجائرها العملاقة ومداخنها المرتفعة فى مصانع الطوب ببودرة اليوريا فاصطفّت وانتشرت مصانع الميلامين على ظهر كفها الطّينىّ !!!
.....
ذهبت إلى مصنعِ سرّىّ للميلامين مُقام على ناصية قريتنا حيث الخلاء يحيط به ولاشئ إلا صمت مصانع الطوب الخاوية وبقايا الطَّفلَة المرتفعة كالتلال.... اخترقت الباب الحديدى للمصنع متجها ناحية ضجيج مكابس الآلات، الصوت يأتى من ناحية باب «صاج» اكتشفت أنه يخبئ وراءه عالما آخر.. عالم يكسوه اللون الأبيض، مساحته لا تتعدى مئة متر، ستة مكابس آلية يعمل عليها 3 «صنايعية» كل منهم أمامه ميزان صغير وشيكارة بودرة مفتوحة . الرائحة نفاذة للغاية والمكان محكم فلا توجد تهوية جيدة، العمال لا تهمهم هذه الأمور.. يتعايشون مع وضع ألفوه، فيتعاملون مع هذه اليوريا الخطيرة بدون حرص.. لا يرتدون قفازا ولا يضعون كمامة على أفواههم تقيهم من الرائحة التى تنتشر فى كل أرجاء المكان. همست إلى أحدهم: «إنت مش بتتعب من الروائح دى؟»، رد ببساطة «سيبها على الله». وتابع عمله بمعايرة وزن معين من بودرة اليوريا على الميزان ليضعها فى المكبس ثم يضع بودرة الجليز التى تعطى مظهرا لامعا للطبق من الداخل، ثم يقوم بالضغط على زر كهربائى فيتحرك جزءا الآلة فينطبقان على بعضهما فى درجة حرارة عالية وتنصهر المواد لتأخذ فى النهاية شكل الأطباق.وقفت أراقب وأتابع عمل الصنايعية. وفجأة وجدت صديقى القديم يضرب بيده على كتفى قائلا «إنت بتعمل إيه هنا؟»، فأجبته: «باتفرج»،
تبادلت أطراف الحديث معه استوقفنى تشبيهه لهذه الصناعة بأنها «زى المخدرات ممنوع مزاولة النشاط فيها لأن البودرة المستخدمة فى الصناعة اسمها بودرة يوريا مكتوب على شيكارتها محظور استعمالها فى الأوانى المنزلية، لأنها بتسبب سرطان». ثم تابع *أنا أنصحك إنك لو حبيت تعمل المشروع ده تعمله فى بدروم ممكن نأجرهولك بس إنت تعمل له عداد كهرباء تجارى 20 حصان وهيكلفك حوالى 14 ألف جنيه وتشترى أربع مكابس بـ65 ألف جنيه.. واتفق مع مصنع كراتين يكتب لك عليها أى اسم إنت عايزه للمنتجات بتاعتك ممكن تكتب عنوانك على الكرتونة بس أغلب الناس بتفضل ماتكتبش عنوان عشان هيا بتبيع حاجة مخالفة فبيكتبوا اسم مصنع مشهور على الكرتونة بيشتغل فى الميلامين الأصلى». استوقفنى تعبير الميلامين الأصلى، وسألته «هوا فيه ميلامين أصلى وميلامين مش أصلى».. . فأجاب «اللى إحنا بنصنعه دا مش ميلامين، دا يوريا.. التانى ميلامين أصلى الطن بتاعه بـ20 ألف جنيه، مفيش حد هنا بيستخدمه لأن لو المصانع استخدمته صاحب المصنع هيخسر، وإحنا شغالين على الأسواق الشعبية الرخيصة وكل العرايس فى الأرياف أو الأقاليم لازم بيشتروا ميلامين، والميلامين الشعبى موجود فى كل بيت».