® مدير المنتدى ®
رسالة sms :
عدد المساهمات : 11575
الاٍقامة : وراء الأفق حيث لاشئ سواى وحبيبتى
العمل : مهندس
نوسا البحر : 
 2016-06-16, 2:14 am | |
@hassanbalam
#لا_لخلط_المحن_بالدين
انا مصحتش من النوم لقيت نفسي بكره مصطفي حسني و مصطفي عاطف و من علي شاكلتهم ..
بالعكس ..
الموضوع بدأ ان في فترة من فترات ازدهار الوعظ الديني ... تصدر ناس زي حسين يعقوب و وجدي غنيم و غيرهم المشهد .. و الدين اللي كانوا بيتكلموا عنه هو عذاب القبر و النار و تارك الصلاة و كفر الشيعة و هكذا .. مكنش فيه بديل
مع الوقت ظهر عمرو خالد و خالد الجندي و بعديهم مصطفي حسني .. و ظهر الدين الكيوت و الاسلام اللي ماشي جنب الحيط و القلوب المجروحة و الداعية اللي شكله و صوته و كلامه ينفع يتعمل سيناريو لفيلم هابط .. مش عايز اغتاب حد فيهم .. بس غالبا البيزنس اللي ورا الصورة دي حقق الهدف بنجاح ..
مشكلتي مع الانواع دي انها بتختزل دين اُنزل من السما في اما ترهيب و تبريق و خضة و صوت عالي علي المنابر .. او في نحنحة و تعاليم شبه تعاليم بوذا و مشاعر عاطفية " دينية " المفروض اننا نتأثر بقي وكده لما حد يعزف علي الوتر ده
مكتبة مسجدنا كانت مليانة بتفاسير لابن كثير و الطبري و كتب سيرة و فقه ميسر و اسرائيليات و علم حديث و زاد الميعاد و الاربعون النووية و كتب بن الغزالي و غيرهم و تاريخ الدول الاسلامية و عقيدة و سنة و حاجات عظيمة .. و كنت بلاقي في المكتبة دي ضالتي و بدور علي اللي ناقصني في فقه العبادات اليومية و ما لا يسع المسلم جهله ..
من اللي حاصل حاليا .. انا و اللي زيي ابتدي يحصل عندهم خلل في الثوابت اللي كنا بنحفي عشان نجمعها في ورق و نوَت جنب المصاحف ..
الناس اللي فوق دي مش بس بتهدد الثوابت .. الناس اللي فوق دي بتهدد اخر جيل تقريبا عايز يفهم كل حاجة بالبحث الذاتي .. لانه لا يثق في التلقين ..
و دول حتي مبيوصلوش لقشور الدين .. دول بيتكلموا في اللي السياسة تسمح بيه .. هومش هيكلمك عن مقاومة الظلم و اعلاء كلمة الحق و مش هيعمل حلقات عن السنة و الشيعة و اللي بيحصل في سوريا و مش حيدور ورا داعش ويقولك دي صناعة امريكية .. مش هيقولك أن مفيش حاجة اسمها دولة إسرائيل و مش هيقولك أن احنا كدولة عاملين حصار على أهلنا و اخواتنا في غزة و مش هيقولك ان اللي بيحصل هو خطف ممنهج للشباب و انه مش حرب على الإرهاب.. مش هيقولك أن اللي حصل قبل كده كان قتل و تعذيب و اغتصاب لإرادة الناس.. مش هيقولك حاجات كتيرة اوي.. و مش هيقولك أن الحكومة جوعتنا و ضيعت مايتنا اللي هو أمن قومي ليك و لشعبك.. هو هيكلمك النهاردة عن الزهد و التقشف .. و يوم ما تكون الحلقة تقيلة اوي .. هيكلمك بالحب اللي كان بين السيدة فاطمة و سيدنا علي .. اللون ده بيأكل عيش وبيجيب اعلانات
مصطفي حسني و غيره بيقدموا الدين في كبسولات و ووجبات خفيفة و بياخدوا في المقابل ملايين من قوتنا و جهلنا بديننا .. الكبسولات دي هتفضل تخس .. لغاية ما نرجعوا لزمن الشبشب المقلوب
انتو عشان مش عايزين تخلطوا السياسة بالدين .. هتخلطوا المحن بالدين _________________  حسن بلم | |
| 
