قف للمضارب وفه التبجيلا يا دون كيتشوت
واعلن البنك اللعوب اللى بيلعب بالبيضه والحجره ويكشف المستور ويرجع الغايب
انه وجه ضربه قاسمه للمضاربيين على الدولار وانهم تكبدوا خسائر فادحه
انزل ياعم باغلنى وطنيه كمان عشان الناس الطيبين فى المحروسه يصدقوك
ويقولوا عامر ياعامر و فى الحقيقه ماجاب الوكسه الا عامر
ولا اعرف لماذا هذا الحقد والحرب على المضاربيين بينما هم لاعبون رئيسيون فى كل اقتصاديات العالم المتقدم والمضاربه هى احد اشكال التجاره الاسلاميه على فكره ياعنى مش حرام ولاحاجه
ويلعب المضاربون دورا اساسيا فى احداث التوازنات وتحديد اسعار السلع والعملات والمعادن
كما ان لديهم دورا هام فى مشتقات التحوط الهامه لتسهيل الائتمان وتوزيع مخاطره
فليه بنكنا اللعوب زعلان منهم وبيضاربهم وعايز يخسرهم وهما مابيخسروش اساسا
لان شغلتهم هى التربح من التكهنات والمضاربه على الاسعار صعودا ونزولا
ولو فى يدى القرار لانشات لهم بورصه للمشتقات والمضاربات وجعلت مصر مركزا ماليا عالميا
مثل لندن ولتدفقت الاموال من كل المغارات فى العالم الى ان لاتجد لها صرفا
فيكفى مصر الحصول على عموله كل عمليه ذهابا وايابا لغرقنا فى الدولارات واليوروهات
اما معركه تحدى المضاربون الذى تدعيه فده احدى المعارك الوهميه لدون كيتشوت
ولو عايز تفهم كلامى يادون ياكيتشوت اشرح لك الحقائق كما يلى
-حجم كل الناتج العالمى لكل دول العالم حوالى 70 تريليون دولار
- حجم اموال البورصات فى كل العالم برضه 70 تريليون دولار
-حجم الاموال المتداوله او المودعه فى البنوك فى كل العالم 200 تريليون دولار
-حجم الاصول العقاريه فى كل العالم 90 تريليون دولار
طب خد عندك حجم المشتقات والتى يتم المضاربه عليها تتراوح من 600 الى 1200 تريليون دولار ؟؟؟ تقوم تيجى انت ومعاك 16 مليار اى 0.016 من مليار واحد وعايز تخسر المضاربيين
ياعم دون كيتشوت روح نام جنب الحيطه
انت ماخسرتش غير شويه غلابه فى البلد معاهم بالصدفه شويه فكه
اللهم بلغت
2016-03-17, 8:12 am
