طيب بما إن الكبار مفهمش رجا خلاص
خلينا نلحق الصغار
الأطفال
ولادنا و ولاد أخواتنا و ولاد جيرانا و أهلنا
و كلنا عارفين المشكله
فتعالى ندخل فالموضوع
نشوف الحل
الإنميشن أو الكارتون
شعوب كتيرة جداً أستغلت الكارتون فى بناء عقول أطفالها
و كل الدول الكبرى بالتحديد
طبعاً عارفين ديزني فى أمريكا و سنين و سنين من العطاء
الأعظم اليابان
و بص اليابان عملت إيه
بإختصار بعد ما خدوا حق تنظيم كاس العالم 2002 مع كوريا الجنوبية
و ده كان سنه 1989 رسمي
و كان بيتخطط له من 1984
و الكورة مكنتش لعبة عندهم لا بيحبوها و لا بيعرفوا يلعبوها
عشان يكون الحل فى مسلسل كارتون يكسر الدنيا كلها
و يحبب أطفال العالم كلهم فى الكورة و يشجعهم على ممارستها
كابتن ماجد طبعاً
و انت فاكر كابتن ماجد زمان أطفال بتلعب كورة و الضربة السريعه و ده أخرك
لا إرجع له تانى كده و إنت كبير
مش هتلاقي حلقة واحده مش فيها قيمة إنسانية عظيمة بيتعلمها و بيعلمها
هتلاقي 400 كلمة طموح و 500 كلمة حلم و 1000 كلمة تحدي و صبر و عزيمة
هتلاقي قوانين و فنون كورة القدم بيتعلمها و بيعلمها
طيب غير كده إيه
مازنجر و جرندايزر
انتم فاكرين انهم كانوا القبضتين المدمرتين و افروديت و الشغل ده
لا إرجع تانى كده
هتلاقية بيجسد معركة الخير و الشر بمنتهى العبقرية
القصة اللي عباقرة العالم و مثقفينهم كتبوا عنها أعظم الكتب
الحرب و السلام فجر الضمير و غيرها من الكتب العظيمة كتير
طيب غير كده إيه
هتلاقي فالحلقات إنتماء و دفاع عن الوطن و القتال بشرف و أخلاق فرسان
هتلاقي الدفاع عن الضعفاء و المساكين
هتلاقي إن الخير دايماً هو اللي بينتصر فالنهاية بس إنت خلي عندك عزيمة و تحدي

و عشان كل ده إحنا لازم نتعلم منهم و نقلدهم
و كنت قولت قبل كده كتير
ياريت تستغل وقت فراغك و تقعد مع أسرتك و ولادك
تتفرجوا على فيلم سوا
فيلم مفيد و غالباً الأفلام المفيدة مش بتيجي فالتلفزيون كتير
و لو جت بيزهقونا إعلانات
و الإنترنت فيه كل حاجه و أستغله فحاجه واحده مفيدة بدل الضياع ده
و بمناسبة الأحداث اللي إحنا فيها
لقيت إن فيلم
محمد خاتم الأنبياء
من الأفلام الجميلة اللي ياريت كلنا نشوفها تانى
و نفرجها لولادنا و أطفالنا
و نعرف سيرة نبينا و رسالته
الفيلم عملوه مسلمين و خدوا بنصيحة " إبدأ من حيث أنتهى الأخرون "
الفيلم معمول بره من فترة كبيرة و للأسف متكررتش التجربة دي من جديد
عشان منجحتش
و إحنا لازم ننجحها و نكررها
لانه بجد فيلم جميل
بيحكي القصه بمنتهى البساطة و الجمال
و موافق عليه من جميع الجهات الإسلامية فكل العالم
لأنه بيحكي قصة نبينا و حبيبنا
من يوم ما ولد يتيم و إزاى حياته كانت كلها معاناه و تحدي
و إزاى كان عايش العالم فى جاهلية قبل ما يبعث عليه الصلاة و السلام
رحمة للعالمين
كفر سفك دماء قمار سحر عبوديه و وئد بنات
تخلف و جهل و فواحش و معاصي فكل مكان
و إزاى قدر هو بإيمانة و برسالته يغير كل ده
قصة تخليك تبكي من جمالها
الصادق الأمين بينهم
قالوا عليه ساحر و مجنون و كذبوه و أسائه إليه
شوف يا أخى عظمة أجدادنا المسلمين
شوف أدب و خلق أبو بكر و قوة حمزة و عزم و إرادة الفاروق عمر
شوف أخلاق الصحابه المهاجرين و الأنصار
شوف قصة الهجرة
و معركة الحق بدر
و يوم الحقيقة أحد
و يوم ما تحزب الأحزاب 10 ألاف من الجنود و ملاين الأموال
و حكمة و صبر و إيمان رسول الله و صحابته و المسلمين ينتصر
إزاى ساب مكة حبيبته غصب عنه
و إزاى رجعلها منصور ينشر فيها الخير و يرجعها للنور من جديد

فيلم عظيم
أصله بيحكي عن أعظم و خير خلق الله
بيحكي قصة إنسانية إتخلقت على إيده
شوفوا الفيلم و إستغلوا الفرصة و إعرفوا اكتر عن سيرة نبيكم
و عرفوا ولادكم
عشان محدش يجي يضحك عليكوا و يقولكم
أصل رسولكم كان بيعمل كده

ده لينك الفيلم
مشاهدة سعيدة

https://youtu.be/ToZqbpIcPj8