البقاء للاصلع !!
مجلة التايم ألأمريكيه نشرت أستطلاع للرأي بين عدد كبير من الستات عن شكل الراجل ألي بيشفوه أكتر رجوله وجاذبيه.
وقالك أن الستات من سن 23 لسن 66 بيشوفوا أن الراجل ألأصلع أكثر ذكاءآ وتميزا عن غيره من الرجال.
وده برضو نفس ألي أكدته دراسه قام بيها معهد هلفانيتنا بأمستردام وألي لقي أن 75%من الستات ألي عمل عليهم الدراسه دي بيفضلوا الرجاله الصلع عن الرجاله الي عندهم شعر والراجل ألأصلع ألارتباط بيه بيديهم أكتر شعور بلأمان والراحه.
والحقيقه بعد تمحيص وتفحيص ليه الستات الواعيين ألي هو أحنا والي معرفين أننا بتوع مصلحتنا بنفضل الرجاله الصلع عن الرجاله الي عندهم شعر لقينا أن الحكايه دي ليها عدة مميزات
أولها "أن عنده أرتفاع في مستوي هرمون التيستوستيرون وألي هو "هرمون الذكوره "وده طبعا كان من ضمن ألاسباب ألاساسيه لفقدانه شعر راسه
بس علي الجانب أل أيجا
بي ألأخر فهو بيخليه كراجل بيكون أكثر رجوله ونشاط وحيويه.
ثانيا :الراجل ألأصلع عمرك ما هتشوفيه منعكش أبدا
ديما كده شكله متظبط طول اليوم ولا هتشوفيه عمرك صاحي من النوم منكوش ولا لو لعبله حبة رياضه و عرق تلاقيه ملزق
لأ ديما فله شمعه منوره
راجل نظيف في نفسه أوول ذا تيم.
ثالثا: أكثر رجوله :
لو تلحظوا أن أكتر ممثلين ألأكشن ذي "فين ديزيل وبروس ويليز وصامويل جاكسون "بيختاروهم صلع او بيطلبوا منهم يحلقوا شعرهم علشان الدور
لأن لقوا أن حتي نفسيا شكل البطل ألأصلع بيدي أيحاء بأنه أكثر رجوله وقوه عن الراجل ألي بشعر.
وحتي الموضوع ده بقي موضه وستايل بقي يلجأله كتير من الرجاله ألي عندهم شعر علشان شافوا أن أكتر نجوم العالم أناقه وجاذبيه صلع.
والظهور من غير شعر بيديهم مظهر ذكوري قوي جذاب أكتر.
رابعا:
الراجل ألأصلع راجل ناضج :
لأن غالبا الراجل ده من كتر ما مر وشاف من تجارب قعد يشد في شعره فبتالي أتصلع بسرعه
وطبعا ده بيدي أحساس للست بأمان وأن يمكنها ألأعتماد عليه لأنه راجل خبره.
خامسا :الراجل ألأصلع راجل عملي واثق من نفسه:
ماعندوش وقت يضيعه قدام المرايه في أنه يقعد يظبط في نفسه وأنتوا خارجين وده هيديكي فرصه ووقت أنك تستفردي بالمرايه لوحدك
ولا عمرك هتتفجأي بتسريحات شعر غريبه عملها بعد ما يرجعلك من عند الحلاق ذي عرف الديك و حلقة مفارق قليوب ولا كل العك وأكياس الجل بتاعت لولواه دي هتشوفيها عندك علي التسريحه أبدا
وتلاقيه كده ماشي جنبك "واثق الخطوة يمشي ملكآ "
ولا فارق معاه لأنه عنده ثقه بنفسه و الثقه بالنفس دي طبعا من أهم عناصر جاذابية الرجال علشان كده بيبان جذاب .
سادسا :الصلع بيبرزلك سماته ألأخري:
بمعني وأنتي معاه عنيكي وذهنك هيلتفت لحاجات تانيه فيه غير شعره ذي صوته ،ضحكته،طريقته فالكلام ،شخصيته فهيكون عندك وقت تركزي فحاجات تانيه أهم وأجمل من حبة الشعر.
سابعا وألأخيره
"ودي مهمه جدا أنه انسان بيتقبل التغيير وبيقدره:
لأنه عارف وجرب يعني أيه أن الواحد جايز في أي وقت يفقد حاجه مهمه من جماله وشكله مع الزمن
فلو أتجوزتيه وتخنتي مثلا أو شعرك بدأ يخف أنتي كمان
فمش هيقدر يفتح بقه معاكي
مهو لا تعايرني ولا أعايرك يالي الهم طايلني وطايلك
2015-01-30, 7:09 am
