احنا جرى لينا ايه ....؟؟
النهاردة وانا على كوبري أكتوبر والدنيا زحمه كانت ليا صديقه معايا في العربيه ومن الحر والزحمه فتحت شباك العربيه وأنا ببص على الناحية التانيه ..لقيت ست جميله كبيرة بتضحكلي فكان الطبيعي البسمة بالبسمة والبادي اجمل .. ضحكتلها والواضح أنها كانت بتاكل فعملت نفسي مش واخدة بالي لعدم احرجها ... لقيتها بتقولي تخدي بقسماط انا لسه مشتريه من الفرن ..قولتلها لا شكرا .. قالتلي لا خدي هتعجبك فأخدتها وقولتلها شكرا يا ماما تسلمي . المهم لقيت صاحبتي وشها اتغير وقالتلي هتعملي ايه بالبتاعه دي ...!!!!
قولتلها عادي الطبيعي البتاعه دا بتتاكل اصلا .. قلتلي انتي مجنونه دي ممكن يكون فيها سم أو حاجه وحشه قالتلها ليه كدا ...!!..قالتلي لأننا منعرفهاش قولتلها بس الست في سن أمي وست جميله ودي تعتبر هديه منها وبعدين ايه مصلحتها أنها تعمل معايا حاجه مش حلوة ..انزلي بالمصدر ...!!!
..قالتلي احنا فى زمن غير الزمن الناس كلها وحشين .. قولتلها انتي صح انا مش هسيب الست دي تعدى كدا
وقربت من العربيه اللي فيها الست الجميله وقولتلها ماما طب معاكي جبنه أو أي حاجه مع البقسماط ..قالتلي لا انا معايا شكولاته عاوزة ...؟؟؟قولتلها طبعا و اخدتها منها وكملت في طريقي بعد ضحكة ودعوة حلوة من ست طيبة وجميله
على فاكرة لكل واحد ذي صاحبتي خايف من الناس وكل الناس عندهم ذي بعض ... الدنيا لسة بخير. ومش كل الناس وحشين وذي ما في واحد في حياتنا ممكن يطلع مش كويس في ألف هيكونو كويسين ومنهم كتير طيب
مصر لسه بخير صدقوني
2015-03-18, 8:26 am
