اولا بحب ابارك لكل المصريين على الفوز بالمباراة ومش عايزة اعمل هيلمان عشان كسبنا يعنى هو دا وضعنا الطبيعى ودى نتيجة طبيعية لفريق بطل بيلعب قصد فريق ضعيف و3 حالات طرد طبيعية لمنتخب بلطجى بلطجى بلطجى

وطبعا الكل بيتابع قنواتنا المصرية شوبير وشلبى والافراح بس انا حبيت اشوف اخونا الجزائريين ايه رد فعلهم , فجبت قناة اسمها قناة نسمة قناة جزائرية مغربية تونسيه فلقيت ان فيه استوديو تحليلى للمباراة , فقلت اقعد اسمع بيقولوا ايه , وللاسف مافهمتش اى حاجة لان الكلام كله فرنساوى , قلت يمكن فى قناة صوتيه تانيه فيها عربى ولا ترجمة حتى بس للاسف طلع ظنى فى مكانه وطلع فعلا الجماعة بيتكلموا فرنساوى بس
بس لحسن حظى اتكلموا شويه عربية فافهمت الليله عندهم رايحة فين يعنى ووجدت ما يلى

دا المفروض انه محلل رياضى .. عينه حمرا وحالته بالبلا .. مش عارف كان بيعيط ولا كان بيحشش وهما زنقوه من الغرزه ولا نظامه ايه بالضبط .. وفضل يقول الحكم والمصريين متفقين مع الحكم واحنا عمرنا مابنخسر المباريات اللى بيحكمها كوفى كودجا .. واننا لينا عضو فى المكتب التنفيذى فى الفيفا .. والله ياخى انا مكسوفلك سلف والله يابنى لو بايدى لكنت خليت ايدى ماييه الحكم الخصوصى بتاعكم يحكملكم كل مبارياتكم عشان تربحوا .. وبعدين عضو ايه يابو فيفا ... ماروراوا خلاها فيفى 6 طن بلح والحاج عبد الموجود موجود ..

- ودى وليله شكلها كانت عصبية قويه فيها شبه من ليفى كوهين وعماله تحزق على صورمها وتقول برده الحكم ومش الحكم و3 حالات طرد كأن اللعيبة دى جايه من حضانة ام المؤمنين .. منتهى الوداعة بحاله امها .. مش عيال بلطاجية ومتشرده .. دا فيه عندهم عيل اسمه بو عزه استحاله يكون لاعب كوره .. ولا غزال عليه عضلة صدر شكله شغال مرضعة .. ولا الشوشى شكله معاهوش يحلق .. او من غبائه فاكر ان السوالف قدام .. وكريم زعفرانى اللى مسقط الشورت هاتلوه دكة يارجاله ... وحبيبى ابو قره ولا قرده نفسى اعمل حاجة فى حياتى قبل ماموت .. ارزعه على قفاه المصلطح ده وامضيله مع الذكرى ..

والراجل الاقرع ده فضل يرطم فرنساوى " بيستغل نقطة ضعفى الجيان " طبعا انا مافهمتش حاجة بس شكله كان بيشتم .. والله بيفكرنى بالراجل اللى فى مسرحية الواد سيد الشغال اللى كل شوية عادل تامام يروح يديله كيلو عدس ويرزعله قلم ويقوله انت ايه اللى جابك

ورجعت تانى الوليله الحيزبونه تتكلم وعماله تقول عقدة والجزاير عقدة المصريين .. عقدة مين يام اربعه "واربعين" :d .. وتقول الجماهير الجزائرية وحصار عليهم من الامن .. يعنى بلطجى بحيلة اهلك عايزنهم يفتحولهم صالة كبار الزوار

وللاسف مافهمتش حاجة بعد كده عشان كلهم بيرطموا فرنساوى وسلملى على العربى ياحموكشه ...
وفى النهاية اقولكم المعادلة

الجزائر+ ايدى ماييه + البلطاجية = كاس العالم + كاس افريقيا + كاس مجرة درب التبانه والمجرات المجاوره
الجزائر - ايدى ماييه - البلطاجية = كاس العوالم + كاس عزبة ابو دياب + وكاس شلح واجرى فى الظلام
.

Vedio Links

2shared
http://www.shabab3rby.com/27844

Enterupload
http://www.shabab3rby.com/27845

Hotfile
http://www.shabab3rby.com/27846

Ifile
http://www.shabab3rby.com/27847

jumbofiles
http://www.shabab3rby.com/27848

kewlshare
http://www.shabab3rby.com/27849

Mediafire
http://www.shabab3rby.com/27850

Megaupload
http://www.shabab3rby.com/27851

Novaup
http://www.shabab3rby.com/27852

Quickupload
http://www.shabab3rby.com/27853

Rapidshare
http://www.shabab3rby.com/27854

Sendspace
http://www.shabab3rby.com/27855

Slingfile
http://www.shabab3rby.com/27856

Storage
http://www.shabab3rby.com/27857

Usershare
http://www.shabab3rby.com/27858

Wikiupload
http://www.shabab3rby.com/27859