النهاردة بعد ما عملت ضوافري ونزلت قعدت مأنتخة على الكنبة علشان مستنياهم ينشفوا وبعدها أمشي... خير اللهم اجعله خير لقيت واحدة من البنات بتوع ال nail spa بتقول... أهلا أهلا مدام لقاء.. منورة والله.

بصيت لقيت قدامي مدام لقاء الخميسي.. الست كانت لابسة سويت بانتس وسويتر قطيفة بيج فاتح ماركة جوسي كوتيور وماسكة شنطة برادا سودا كبيرة ولابسة نضارة شمس بولجاري واكلة كل وشها وحزمة نايكي رمادي في فضي... مفيش... حاجة متناسقة مع بعضها بس all in all شكلها مش وحش..

المهم البنت بتسألها.. ما جتيش ليه يا مدام لقاء الاسبوع اللي فات..
ردت المدام وأشجت الحضور.... والله كان عندي إكتئاب... أنا خلاص بقيت منهارة... مش عارفة الواحد هيخلص إمتى من القرف ده.... لا وآدي كمان 25 جاي وهيطلعوا يقرفونا... يارب نخلص منهم ومن القرف ده بقى!!!

ساعتها حسيت بكرشة نفس وقلت وديني لأقوم أضرب الولية دي على بقها وأدهن لها وشها مانيكيور أسود!!!
إلهي ييجي ويحط عليكي يا بعيدة!!

#هما_بيعملوا_فينا_كده_ليه_يا_كابتن_منصف
#راجل_وست_وكسات
#ثورة_دي_ولا_مدام_لقاء