فرق كبير بين تبني رأي وبين التعصب ليه. ببساطة لما تتبنى وجهة نظر ما وتلاقي نفسك:
- مش بتقدر تتصور إن في غيرك متبني وجهة نظر أخرى وتميل لاتهامه بالغباء أو التخلف أو الضعف أو ضيق الأفق أو العمالة..
- مش بتقدر تتعامل مع المخالفين لك في الرأي وتميل لاحتقارهم وتسفيه أي فعل بيقوموا بيه وأي رأي آخر بيؤمنوا بيه
- بتقصد تتجنبهم وربما تميل لإقصائهم وتشجيع المجتمع على رفضهم واعتبارهم عنصر أدنى
- وأخيرا لو عرفت حد منهم بشكل شخصي والظروف خلتك تتعامل معاه وتقرب منه فإنت بتميل لاعتباره حالة خاصة ومختلف
كل التصرفات دي عنصرية. التعصب بيخلق عنصرية. إنت ممكن تتبنى رأي أو عقيدة وغيرك يتبنى رأي آخر أو عقيدة أخرى وانتو الاتنين عاقلين وانتو الاتنين تقدروا تعيشوا مع بعض وكل واحد مقدر دماغ التاني ومحترم اختلافه بل وشايف إن اختلافه ميزة لإثراء إنسانيتنا بل وضرورة كونية
2013-10-13, 11:40 am
