الولد المكسوف والبنت المكسوفة ازاي ممكن يتعرفوا على بعض لو فيه اعجاب
بدون اي مقدمات بقى الحالة دى قابلتنى كتير على ناس صحابى ومعارف وقابلتنى انا شخصيا فى بداية حياتى لكن دلوقتى الحمد لله الدنيا اتغيرت ، بشوف ولد مثلا نفسه يكلم بنت هيا معجبه بيه وهو كذلك نفس الحوار وهيموتوا ويكلمو بعض بس مافيش فيهم شخصية مبتدئة او شخصية مسيطرة تعرف تبدأ الكلام عندهم كسوف مش عادى ، يوم ما يسالها سؤال او يكلمها هما كلمتين على قد الرد ويسيبها ويمشى وجايز فى يوم من الايام يسمع خبر خطوبتها ويضيعها من ايده غصب عنه.
طيب ايه الحل فى الحالات دى ، تفتكرو الولد هوا اللى عليه يجازف ويتكلم مع العلم ان البنت ممكن تحرجه بالرغم من انها عايزه تكلمه ، ولا البنت اللى تجازف بحيائها وشكلها كبنت محترمه وتكلمه ، تفتكرو ايه الحل ، انا عن نفسى حضرت موقف لواحد صاحبى شاف البنت اللى بيحبها بلم ومش عرف يتكلم شدنى اوى الموضوع ده ، دى حاجه صعبه بجد تخسر كل اللى بتحبهم بسبب انك مش عندك القدره على الكلام ، تفتكرو ليه انا حبيت اناقش الموضوع ده بالرغم من ان بعض الناس هتعتبره مايستاهلش ، لا انا بكل بساطه بخاطب معظم الطبقة بتاعت الفيس بوك والنت والكلام على النت الطبقة من الشباب اللى هتلاقى تقريبا 90 فى الميه منهم منعزلين ولوحدهم وعندهم صعوبه فى التعامل مع البشر وهما دول اللى بوجه كلامى ليهم.
صدقنى لو حابب تتغير ومتخسرش حد بتحبه انزل شوف الدنيا وقلل من عدد ساعات النت او قلل من قاعدتك مع نفسك اتكلم واتعامل وارمى نفسك فى مواقف صعبه وحط نفسك بمزاجك فى مواقف بايخه خلى الناس تتحاور معاك تتخانق تزعق تتناقش ، ماتستسلمش للوحده والسكوت عشان مش تفضل طول عمرك كده بتخسر بتخسر ويصيبك الاحباط.
ولو حصل كده ساعتها هيبقى عندك القدره تتعرف على اي بنت تتكلم معاها تتقدملها وتعرف تتكلم قدام اهلها وبالنسبه للبنت مش مشكله لان الحياء من صفات البنت كويس والمفروض الولد اللى يبدأ، انت بقى كقارئ للموضوع ايه رايك فى الحوار ده وازاي ممكن نتغلب عليه.
منقووول
2013-08-24, 8:17 am
